"Cjacarin...tra furlans !"

....
Us invidin la Domenie ai 5º di Setembar, tor lis cinc dopo misdì, tal fogolâr de “None”, situât inte vie Navarro 3974, angul Chivilcoy, Capitâl Federâl (Villa Devoto). In chel dî o larin indevant cul spazi che o vin clamât: “Cjacarin…tra furlans !”, dulà che ogni prime domenie dal mês nus riunin par fevelâ la nestre lenghe cence formalitâts, pal sôl plasè de fevelâle.

Us spietin.

Mandi

................................................................................

Chel che nol ven cu la machine al po cjapâ chescj mieçs : coletîf 80-85-105-107-108-114-134-146-190-

---

"...une lenghe

"...une lenghe e je no dome la sô gramatiche, ma ancje, se no soredut, lis sôs peraulis, la sô musiche, la sô anime."

...

Lis mudantis

Al jere Istât. A Gonârs e vevin organizât un pelegrinaç a Madone di Mont, me mari che veve tant ce ringraciâ ae Madonute, a cjape part.
Jo o vevi 4 agns, e o soi restade cun agne Catine che par di il vêr no veve tante pazience. La mame e je partide a buinore e mi a lassade durmînt.

--

A lis vot, gnagne Catine e ven a sveâmi, prin di dut lis orazions e po a comence a vistimi: prin la cotule sot, il vistidut e dopo i scarpets, mi lave la muse mi petene, e po jo i ricuardi che no mi veve metût lis mudantis… puarete, je no lis usave. E cussì che a fuarce di vitis mes a metudis.
--

Tor lis nûf di sere me mari e torne a cjase. Agne Catine i conte che o soi stade triste dut il dì, che o volevi gjavâmi lis mudantis, insome che le ai fate deventà mate. Rivade la ore di la a durmì me mari mi a disvistude , oh sorprese !!!!!
--

Gnagne Catine mi veve metût lis dôs gjambutis intune sole gjambe des mudantis, sigûr che o soi stade triste dut il dì, si no podevi nancje cjaminâ !! mi crodêso !! che le ai fate deventâ mate.

-.-.-.

Un ricuart di: Anute Leonarduzzi.

Il Teatri Colon di Buenos Aires

Vuê domenie 15 di Avost tal dopomisdì, o soi stât a viodi e a sintì tal teatri Colon di Buenos Aires, "Manon" di Jules Massenet (a viodi par mut di dì) za che o jeri logât parsore di dut, dulà che cuasi tu tocjis cul cjâf la cupule dal sofit, cul so biel lampadari, cun 730 lampadinis, 1300 chilos di pês e 7 metris di diametri.

Ca lu clamin "Paraiso", lis vôs dai cjantants e rivin la parsore come che tu fossis verementri tal paradîs.

Il teatri al è stât sierât variis agns par dai lavôrs di mantigniment. I an dât une biele lavade di muse.

---

"Taller Alef" in Lenghe Furlane

Fotografie cjapade durant une classe di Lenghe Furlane tal "Taller Alef", puartade indevant cul contribût de Regjon FVG.

Mûts di di dal dì...

......

La prime ploie di Avost e rinfrescje il bosc.

......

L'om si cognòs cui fats, no cu lis cjacaris.

......