Vuê domenie 15 di Avost tal dopomisdì, o soi stât a viodi e a sintì tal teatri Colon di Buenos Aires, "Manon" di Jules Massenet (a viodi par mut di dì) za che o jeri logât parsore di dut, dulà che cuasi tu tocjis cul cjâf la cupule dal sofit, cul so biel lampadari, cun 730 lampadinis, 1300 chilos di pês e 7 metris di diametri.
Ca lu clamin "Paraiso", lis vôs dai cjantants e rivin la parsore come che tu fossis verementri tal paradîs.
Il teatri al è stât sierât variis agns par dai lavôrs di mantigniment. I an dât une biele lavade di muse.
---
Mi plasarès ben di visitâlu. Al somee che nol vedi nuie di invidiâ ai europeos. A proposit, di teatros di Buenos Aires, forsit Carlos Gardel al à cjantât ancje lí:-)
ResponderEliminarViôt che cuo al ti tocje a ti di gambiâ le storie di chest Argjentin-uruguaian-francês e metilu in te liste dai furlans-argjentins:-)
A tu varès di scomençâ cun Wikipedia come chi ai fat io in te version francês e taliane:-)
Jaio,
ResponderEliminarAl è visitât da un grum di forescj, la sô acustiche e je une des miôr (cussì a disin).
Cirint informazions no mi risulte che "Carlitos" al vedi cjantât tal Colon. La politiche dal Teatri e je stade almancul te prime metât dal secul passât unevore conservadore, tal considerâ che chel ambit liric, no podeve sei scompartît cu la musiche popolâr.
Mandi.
Mandi Galliano,
ResponderEliminarjo la Manon le vevi viodude tal Mai dal 2007 al Verdi di Triest.
Il prossim 23 di Avost al sarà un an da muart di Alfredo Mariotti che, propite ta cheste opare al veve fat il so debut, tal 1954, ta la part dal Conte de Grieux.
Salûts e ogni ben.
Gjovane
Mandi Bete,
ResponderEliminarIl timp al è inesorabil, al passe no dome pai vîfs ma ancje pai muarts.
Lis trê oris sentât tal cjaldut dal "paradis" dal Teatri Colon, cence par altri podè viodi te sô totalitât la "mise en scène" za che il puest no lu permet, e son stadis lis plui trê bielis oris de setemane.tisaludi , Galliano