BENVIGNUDE FURLANIE

Cun motîf di celebrâ il Dì de Musiche e il 44º inovâl de creazion dal Cuartet Vocâl Armonie, sin stâts invidâts a partecipà de audizion “Benvignude Furlanie”, che si emet la sabide des 11 a misdì, par Radio Magna AM 680, programe patrocinât par Alef Argjentine.

Volin ringraziâ l'invît e il cordiâl riceviment.

.................

"SIUM MIGRANT"

Sabide 14 di novembar pp., o vin visitât la mostre di piture e “collages” realizâts su des intimelis che di sigûr an vût ogni une la lôr storie.

Cheste mostre si e presentade tal"Auditorio de la Asociacion Dante Alighieri de Buenos Aires”, cu la colaborazion dal Alef e dal Circul di Rosari.

Come ca diis la sô curadore, il so titul, “Sium Migrant”, a je une azion che recupere la memorie dal migrant a traviers dai soi siums, e des sôs utopiis.

A meretarês sei viodude in altris bandis, mandi e tancj augurons.
...

HAIKU

Il “Haiku” a ie une des formis di poesie tradizionâl gjaponese: al consist cuasi simpri tun poeme curt di trê viers di 5, 7 e 5 silabis rispetivementri, cence rime, se ben chestis regulis a puedin no sei rispietadis.
 Tradizionalmentri il “Haiku” al descrîf i fenomenots naturâi, il cambiio des stagjons o de vite cuotidiane de int. Il sô stîl si caraterize pe sô naturalitât e semplicitât, e al trate di descrivi di maniere curte, une sene, une imagjin.


Ti doi un esempli :

 Rosis tal zardin .

Il rusignul al cjante

cence premure .

---------------------------------

Para los que quieran ejemplos en castellano, pueden ir a :


www.palabrastejidas.blogspot.com

……………………………

Galliano in "Il Diari"

"Il Diari" al è il non di un gjornâl fât da T&T Comunicazions e Arlef (Agjenzie Regjonâl pe Lenghe Furlane) a Udin, dulà che si pues lei no dome un grum di gnovis sul Friûl ogni cuindis dîs, ma ancje scrits une vore interessants su atualitât, dut par furlan.

Si lu pues discjamâ di Internet dôs voltis al mês.

Une des sezions plui atuâls, e je chê che e fevele su lis robis che a puedin cjatâsi inte Internet "SGARFANT PE RÊT"

Chest numar el è dut dedicât ai Blogs dal nestri mestri Galliano!

Il gjornalist Stefano Gasti al à let ducj i trê ("leturis", "storiis" e chest "tallerdefurlan") e al à metût ancje cualchi toc di chests.

Il titul de note al è "Contis di chê altre bande dal mont" e si lu pues cjatâ in "http://www.ildiari.eu"

Compliments Galliano!