RETRÂT DI MARIE

Marie e a i cjavei luncs e ros,
i voi celescj, a je di mieze etât....
gruesse e a la cuesse ,
e la polpete taronde,
il braç al somee un stic,
biele la muse.
Marie no je di trê braçs un franc,
e a il cerviel sveât.
-------------------

Cheste a je une colaborazion di , Hector Bruno Coradazzi, arlêv dal "Taller de Furlan", de Societât Furlane di Buenos Aires (Argjentine).

--------------------------

Une arleve dal "Taller de furlan" e a scrit...

Une dì dal mes di novembar, il mestri di furlan a nus a dit: che par il 10 di dicembar o dovarìn puartâ un componiment scrit tun temi libar in marilenghe.
Jo o sint cheste robe come une sfide e ancje come un plasè, che l'ultin scrit da l'an al sedi chest.

O ai pensât di scrivi peraulis furlanis che mi ricuardi di cuant co jeri frute.
Jo o soi gnece di furlans. Me none e mio nono, a son nassûts a Sclaunic, un piçul paisut vicin Udin, lôr a son rivâts a Buenos Aires, ai 8 di zenâr dal 1903 cu la nâf "Spagne". Si son maridats a Baie Blancje, provincie di Bs. As., e an vût 4 fiis : Bepi, Luise, Brune; e Marie.
Mio nono Cirilo, al faseve il muradôr, le muart zovin, al veve 45 agns. Mio pari, a voltis al fevelave par furlan cun me none, e lis mês agnis.
Al dì di vuê, jo o ai la ligrie di podè scrivi par furlan, un poc plui di une dozene di peraulis che mi an compagnade dute la me vite, e che par me dome a jerin suns cun significât.

Osmarin, lidric, vin, sgnape, damigjanis, gabis, berghelâ, tananai,

scrocon, tocjio, fîl, risot, il purcit di sant Antoni, pipinats, cûl, sbufon

trimulante, cjapelats, nasone, no sta barufâ, dai su, dai su.

Mio pari al jere tant special...al diseve une frase che al ripeteve come fevelânt cun se stes intant cal beveve - "Bepi, no sta cjapâ la cjucje".
E une altre frase celebre, cuant cal jere rabiât, pestant il pugn su la taule." Diu cane" "Orco Diu" “Porco Diu”, e me mari puarine..cidine cidine, a preave.

.........................................................

Chest lu a scrit Anute D'Ambrogio, arleve dal "Taller de furlan".

Brave Anute !

......

BENVIGNUDE FURLANIE

Cun motîf di celebrâ il Dì de Musiche e il 44º inovâl de creazion dal Cuartet Vocâl Armonie, sin stâts invidâts a partecipà de audizion “Benvignude Furlanie”, che si emet la sabide des 11 a misdì, par Radio Magna AM 680, programe patrocinât par Alef Argjentine.

Volin ringraziâ l'invît e il cordiâl riceviment.

.................

"SIUM MIGRANT"

Sabide 14 di novembar pp., o vin visitât la mostre di piture e “collages” realizâts su des intimelis che di sigûr an vût ogni une la lôr storie.

Cheste mostre si e presentade tal"Auditorio de la Asociacion Dante Alighieri de Buenos Aires”, cu la colaborazion dal Alef e dal Circul di Rosari.

Come ca diis la sô curadore, il so titul, “Sium Migrant”, a je une azion che recupere la memorie dal migrant a traviers dai soi siums, e des sôs utopiis.

A meretarês sei viodude in altris bandis, mandi e tancj augurons.
...