"SANTE STRICHE"

Si zuiave in tancj.

Si sentavisi par tiere slungjant lis gjambis.

Dopo fate la conte un al tocjave i pîs

(drets, cul talon par tiere)

e al diseve cheste naine: "Sante striche di pitìche,di pitòn, carabòn, asinèl, buìne vìte, fòre chèl..."

Sul pît tocjât de ultime peraule, si pleave la gjambe e si tornave a partî contant chês altris gjambis, ripetent la filastrocje.

L'ultin che al restave tal zûc, al decideve la pinitince par ducj :

cjaminâ a cuatri gjambis, saltâ sun tun pît, saltâ tant che il crot,

cori portânt un su la schene, cjapâ sù une urtie, bussâ une vecje...

-------------------

Rigjavât di "Stele di Nadâl"2001

Par cure di Nilla Bernardis

---------------------------------

RICUARTS di DELE...

Ciao Galliano
I ricuarts dal to viaç in Americhe mi à fat pensà al me prin viaç in Italie.

O vevi 14 aiins, in Avost dal 1960, me pari mi menave a cognossi chel ca restave da la so piçule famee.

O sin partîs cul Conte Grande ca al faseve la ultime traviersade e o sin tornâs cul Augustus.

O vin fat il zîr començât da Montevideo in su.
O ai sintudis tantis di chês emozions ca tu descrivis in tai to ricuarts, dal sun da la sirene da la nâf al partì a cognossi citàs di culturis cusì diviersis mai viodudis.

Sigurementri la situazion a no jere la stesse, jo o lassavi me mari par 3 mes par cognossi Italie,

il Friûl e Talmassons ,(il pais dulà ca a son nas mie paris) e li mie agnis.

Gnovis esperience mai sintudis bielis e brutis, come la partence, la ultime cjalade di mes agnis savint ca no si saressin plui viodûts, impussibil di dismenteà

O volevi diti ce co ai sintût a lei chestis "Storiis di une volte" parceche a son stadis un poc speçâlis par me.

A tu scrivis robis bielissimis ¡Compliments ! no sta lassai di scrivi
Tancj saluts e bon an

Dele Zanin

--------------
Dele a je une arleve dal “Taller de Furlan” di Buenos Aires,

la sô famee a je origjinarie di Talmassons (UD).

--------------

                                                                                

Che il 2010

nus puarti Salût e Buine Fortune.

Il rest al vignarà zontât.

,,,,,,,,,,,,

Che il 2010

ci porti Salute e Buona Fortuna.

Il resto verrà in aggiunta.

,,,,,,,,,,,,

Que el año 2010

 nos traiga Salud y Buena fortuna.

El resto vendrá por añadidura.

,,,,,,,,,,,,

Une arleve di furlan, e a scrit...

Al jere tant timp che o lavi cirint alc, no savevi ben ce cal jere, però ca mi fasès ben.

Une frede zornade di unvier o soi rivade achì, e o ai cjatade la Famee Furlane che o vevi pierdût tant timp fa.

O ai començât a vivi e ricuardâ chel che jo o vevi imparât a cjase di piçulute, a traviers di chel che o vin scompartît cun ducj voaltris.

Par chel tantis graciis, e che Diu us dei dal ben, par Nadâl e l’an cal ven.

----------------------

Chest a le un compit di scriture di Alice Rivoldini,

la sô famee a je origjinarie di Bertiûl, a je arleve

dal “Taller di Furlan”, de :

Societât Furlane di Buenos Aires,Argjentine.

------------------