Us invidin la Domenie ai 10 di Avrîl, tor lis sis dopo misdì, tal Fogolâr de “None”, situât inte vie Navarro 3974, angul Chivilcoy, Capitâl Federâl (Villa Devoto). In chel dî o larin indevant cul spazi che o vin clamât: “Cjacarìn…tra furlans”, dulà che ogni seconde domenie dal mês nus riunìn tra amîs e cognossints par mantignî vivis lis lidrîs de nestre furlanetât.
La idee dal “Cjacarìn…tra furlans”, al è basât te creazion di un spazi di incuintri tra furlans, i lôr dissendents, i lôr amis e parincj no furlans.
Chest al è il public al cuâl nus direzin. Di li la pussibilitât di fevelâ tes trê lenghis: furlan, talian e spagnûl, cence formalitâts: i partecipants si comunichin fra di lôr, formant sot grups, mangjant e beviint alc. Si presentin variis ativitâts: “Mostrâ e contâ”, “Savê e rispuindi”e altris propuestis.
Us spietìn.
Mandi
................................................................................
Chel che nol ven cu la machine al po cjapâ chescj mieçs: coletîfs 80-85-105-107-108-114-134-146-190-
---
No hay comentarios:
Publicar un comentario